ഔറത്, വസ്ത്രം, സൗന്ദര്യ വർധക വസ്തുക്കൾ.

ഏത് വിരലിലാണ് മോതിരം ധരിക്കേണ്ടത്? മോതിരം ധരിക്കുമ്പോൾ ശ്രദ്ധിക്കേണ്ട കാര്യങ്ങൾ വിശദീകരിക്കുമോ?


പുരുഷന് വെള്ളിമോതിരം ധരിക്കൽ സുന്നത്താണ്. വലതുകൈയുടെ ചെറുവിരലിൽ ധരിക്കലാണ് കൂടുതൽ നല്ലത് . ഇടതുകൈയുടെ ചെറുവിരലിൽ ധരിച്ചാലും സുന്നത്ത് ലഭിക്കും.മോതിരക്കല്ല് ഉള്ളൻ കൈയുടെ ഭാഗ ത്തായി വരലാണ് സുന്നത്ത് . ചെറുവിരലിലല്ലാതെ മറ്റേതെങ്കിലും വിരലുകളിൽ മോതിരം ധരിക്കൽ പുരുഷനു കറാഹതും സ്ത്രീകൾക്ക് അനുവദനീയവുമാണ് . പുരുഷന്മാർ കാൽവിരലിൽ വെള്ളിമോതിരം ധരിക്കാൻ പാടില്ല . മോതിരത്തിൽ കൊത്തുപണികൾ നടത്താവുന്നതാണ് . അല്ലാഹുവിന്റെ പേർ ആലേഖനം ചെയ്ത മോതിരം ശൗച്യം ചെയ്യുമ്പോഴും മറ്റും നജസുമായി കണ്ടു മുട്ടുന്നത് നിഷിദ്ധമാണ് . സ്വന്തം പേരോ എന്തെങ്കിലും അർത്ഥ വാക്യങ്ങളോ അല്ലാ ഹുവിന്റെയും റസൂലിന്റെയും നാമങ്ങളോ മോതിരത്തിൽ കൊത്തൽ കറാഹത്തില്ല. ഇരുമ്പ് , ചെമ്പ് , ഇയ്യം, പോലെയുള്ള ലോഹങ്ങൾ കൊണ്ട് നിർമ്മിതമായ മോതിരം ധരിക്കൽ കറാഹത്തില്ല . ഒന്നിൽ കൂടുതൽ മോതിരം ധരിക്കുന്ന വിഷയത്തിൽ പണ്ഡിതന്മാർക്കിടയിൽ വീക്ഷണാന്തരമുണ്ട് . അനുവദനീയം , കറാഹത്ത് , ഹറാം , എന്നിങ്ങനെ മൂന്നു വീക്ഷണങ്ങൾ ഈ വിഷയത്തിൽ നിലവിലുണ്ട്. കറാഹത്ത് എന്ന വീക്ഷണമാണു പ്രബലം . ( തുഹ്ഫത്തുൽ മുഹതാജ് : ശർവാനി : 3 / 275-277 )

ഹെയർ ട്രാൻസ്പ്ലാന്റിന്റെ ഇസ്ലാമിക വിധി എന്താണ് ?


കഷണ്ടിയെ പ്രതിരോധിക്കുന്നതിനായി തലയിലെ ഒരു ഭാഗത്ത് നിന്ന് ആരോഗ്യമുള്ള രോമകൂപമെടുത്ത് മുടിയില്ലാത്ത ഇടങ്ങളിൽ നട്ടു വളര്‍ത്തുന്ന രീതിയാണല്ലോ ഹെയര്‍ ട്രാന്‍സ്പ്ലാന്റേഷൻ എന്നത്. മനുഷ്യരുടെ മുടി ശരീരത്തിൽ നിന്നും വേർപിരിഞ്ഞ ശേഷം അവ ഏത് രൂപത്തിലും ഉപയോഗിക്കാവതല്ല. നിഷിദ്ധമാണത്. അതുകൊണ്ട് ഒരു സ്ഥലത്ത് നിന്ന് നീക്കിയെടുത്ത മുടി മറ്റൊരു സ്ഥലത്ത് വെച്ചു പിടിപ്പിക്കൽ ഹറാമാണ്.അത് സ്വന്തം ശരീരത്തിലെ മുടിയാണെങ്കിൽ പോലും വിധിയിൽ മാറ്റമില്ല. وَيَحْرُمُ عَلَى الْمَرْأَةِ وَصْلُ شَعْرِهَا بِشَعْرٍ طَاهِرٍ مِنْ غَيْرِ آدَمِيٍّ، وَلَمْ يَأْذَنْهَا فِيهِ زَوْجٌ أَوْ سَيِّدٌ، وَيَجُوزُ رَبْطُ الشَّعْرِ بِخُيُوطِ الْحَرِيرِ الْمُلَوَّنَةِ وَنَحْوِهَا مِمَّا لَا يُشْبِهُ الشَّعْرَ. [الرملي، شمس الدين ,نهاية المحتاج إلى شرح المنهاج ,2/25] (قَوْلُهُ: وَيَحْرُمُ عَلَى الْمَرْأَةِ) خَرَجَ بِالْمَرْأَةِ غَيْرُهَا مِنْ ذَكَرٍ وَأُنْثَى صَغِيرَيْنِ فَيَجُوزُ حَيْثُ كَانَ مِنْ طَاهِرٍ غَيْرِ آدَمِيٍّ، أَمَّا إذَا كَانَ مِنْ نَجِسٍ أَوْ آدَمِيٍّ فَيَحْرُمُ مُطْلَقًا (قَوْلُهُ: وَصْلُ شَعْرِهَا إلَخْ) ظَاهِرُهُ وَلَوْ كَانَ شَعْرَ نَفْسِهَا الَّذِي انْفَصَلَ مِنْهَا أَوَّلًا، وَلَيْسَ بَعِيدًا؛ لِأَنَّهُ بِانْفِصَالِهِ عَنْهَا صَارَ مُحْتَرَمًا وَيُوَافِقُهُ مَا ذَكَرْنَاهُ عَنْ م ر. [ [ع ش ,2/24] (قَوْلُهُ: مِنْ غَيْرِ آدَمِيٍّ) أَيْ أَمَّا الْآدَمِيُّ فَيَحْرُمُ مُطْلَقًا أَذِنَ أَوْ لَا؛ لِأَنَّهُ يَحْرُمُ الِانْتِفَاعُ بِشَيْءٍ مِنْهُ لِكَرَامَتِهِ، وَنُقِلَ بِالدَّرْسِ عَنْ م ر أَنَّهُ يَحْرُمُ ذَلِكَ عَلَى الْآدَمِيِّ وَلَوْ مِنْ نَفْسِهِ لِنَفْسِهِ. أَقُولُ: وَلَعَلَّ وَجْهَهُ أَنَّهُ صَارَ مُحْتَرَمًا، وَتُطْلَبُ مُوَارَاتُهُ بِانْفِصَالِهِ أَوَّلًا، وَعَلَيْهِ فَلَا يَصِحُّ بَيْعُهُ كَبَقِيَّةِ شُعُورِ الْبَدَنِ لِلْعِلَّةِ الْمَذْكُورَةِ. [ع ش ,2/25]

ആൺകുട്ടികൾക്ക് സ്വർണാഭരണം ധരിക്കാമോ?


ആൺകുട്ടികൾക്ക് സ്വർണാഭരണം ധരിക്കൽ അനുവദനീയമാണ്. പ്രായപൂർത്തിയാകുന്നത് വരെ സ്വർണാഭരണം അവർക്ക് ഹറാമല്ല. രക്ഷിതാക്കൾക്ക് അവരെ ധരിപ്പിക്കുന്നതിനും പ്രശ്നമില്ല.

ഭർത്താവിന് വേണ്ടി പുരികം ഷേപ്പ് ചെയ്യാമോ?


കണ്ണിന്റെ പുരികം ഷേപ്പ് ചെയ്തു ഭംഗിയാക്കൽ ഹറാമാണ്. കല്യാണം കഴിഞ്ഞ സ്ത്രീകൾക്ക് ഭർത്താവിന്റെ സമ്മതമുണ്ടെങ്കിൽ പറ്റുമെന്നതാണ് പ്രബലം.

പുരുഷന്മാർ മഞ്ഞ വസ്ത്രം ധരിക്കുന്നതിന്റെ വിധി ?


മാന്യമായതും വൃത്തിയുള്ളതുമായ വസ്ത്രം ധരിക്കണമെന്ന് ഇസ്ലാം കൽപിക്കുന്നുണ്ട്. പല സന്ദർഭങ്ങളിലും വെള്ള വസ്ത്രം ധരിക്കുന്നതിന് പ്രത്യേക ശ്രേഷ്ഠതയുമുണ്ട്.കുങ്കുമം കൊണ്ട് ചായം പൂശപ്പെട്ട വസ്ത്രം ധരിക്കൽ ഹറാമും ഉസ്ഫർ എന്ന മഞ്ഞപ്പൂവുള്ള ചെടി കൊണ്ട് ചായം പൂശപ്പെട്ട വസ്ത്രം ധരിക്കൽ കറാഹതുമാണ് എന്നതിൽ കവിഞ്ഞ് ഏതെങ്കിലും പ്രത്യേക നിറത്തിലുള്ള വസ്ത്രം ധരിക്കുന്നതിന് വിരോധമില്ല.

ഔറത് മറക്കാതെ വുളൂഹ് ചെയ്താൽ വുളൂഹ് ശരിയാകുമോ?


വുളൂഹ് ശരിയാകണമെങ്കിൽ ഔറത് മറച്ചിരിക്കണമെന്ന നിബന്ധനയില്ല. അതേ സമയം വുളൂഉമായി ബന്ധമില്ലെങ്കിലും ഔറത് മറക്കൽ നിർബന്ധമാണ്.

ആരും കാണാത്ത സ്ഥലത്ത് നഗ്നനായി കുളിക്കാമോ?


കുളിക്കാം, പക്ഷേ മറച്ചു കുളിക്കുകയാണ് ഏറ്റവും നല്ലത്.